Sokol Cikalleshi, në një intervistë për “Panorama Sport” në prag të sfidës të së premtes në Kopenhagen, ndaj Danimarkës vendëse, e vlefshme ...
Sokol Cikalleshi, në një intervistë për “Panorama Sport” në prag të sfidës të së premtes në Kopenhagen, ndaj Danimarkës vendëse, e vlefshme kjo për kualifikueset e Kampionatit Europian “Francë 2016”, ka deklaruar se Shqipëria nuk dështon.
“Për ne çdo ndeshje është e rëndësishme dhe kemi një rregull të pashkruar, atë që ne shohim vetëm ndeshjen e radhës.
Ka një atmosferë të mirë te të gjithë në kombëtare, të cilët janë duke pritur me padurim për të zbritur në fushë dhe për t’i dhënë triumfin tifozëve kuqezi.
Ne jemi një skuadër harmonike, që ndihmojmë njëri-tjetrin si në mbrojtje, ashtu dhe në sulm.
Sa i përket skuadrës ku unë jam në Turqi, ajo është ekipet më të mira në kampionat. Ka bërë edhe rotacion të lojtarëve dhe kjo më ka shërbyer, sepse kam shënuar dhe kam asistuar në disa ndeshje.
Nuk kam asnjë lloj presioni në kombëtare. Puna ime është të jap maksimumin në stërvitje e më pas është trajneri që vendos se kush do të luajë.
Kam goditur shumë shtylla dhe vetëm ato e dinë se kur unë do të shënoj për kombëtaren.
Dëshira ime është të shënoj, ndërsa mendoj se të dyja ndeshjet qe kemi janë të rëndësishme për kualifikimin tonë në “Francë 2016”.
Ne do të futemi në fushën e lojës dhe do të japim maksimumin dhe nuk do të dështojmë”.
