Hamdi Salihi është pa dyshim njeriu i momentit te Skënderbeu. Bomberi shkodran ka treguar një formë të shkëlqyer me kampionët e Shqipërisë, ...
Hamdi Salihi është pa dyshim njeriu i momentit te Skënderbeu. Bomberi shkodran ka treguar një formë të shkëlqyer me kampionët e Shqipërisë, duke shënuar 7 gola në 5 ndeshje.“S’duhet të pësojmë gol në “Elbasan Arena” dhe kështu realizojmë ëndrrën tonë për të qenë në grupet e Ligës sëKampioneve”.
Ky ka qenë thelbi i intervistës së Hamdi Salihit, shënuesit më të mirë të Skënderbeut në Ligën eKampioneve, të cilën ia ka dhënë “Panorama Sportit”.
“Asnjëherë nuk të vjen mirë kur humbet një ndeshje, aq më tepër një trofe siç ishte finalja e Superkupës së Shqipërisë.
Ishte një ndeshje e rëndësishme për të dy skuadra, por duke parë se ne jemi përpara dy ballafaqimeve të rëndësishme në Ligën e Kampioneve me Dinamon eZagrebit, atëherë ishim më tepër të përqendruar atje.
Që do të thotë se përballja me kroatët ka rëndësi më të madhe për ne. Të gjithë ata ishin lojtarët e Skënderbeut, por në asnjë mënyrë nuk duhet t’ia heqim meritën Laçit si fituese e Superkupës.
Unë nuk mendoj se kjo humbje do të ndikojë te ne për përballjet me Dinamon eZagrebit, sepse ne u mundëm me penallti. Tjetër gjë do të ishte nëse do të mundeshim 2-0.
Për një sulmues është mirë kur shënon edhe në stërvitje e jo më në ndeshje zyrtare. Unë jam duke kaluar momente të mira me Skënderbeun. Sa për ofertat janë bërë disa ekipe, por deri më tani nuk kam vendosur asgjë.
Që të mundim Dinamon e Zagrebit duhet të eliminojmë gabimet amatore, të mos pësojmë në fushën tonë dhe kështu do të realizojmë ëndrrën e madhe të të gjithë shqiptarëve: Ne në grupet e Ligës së Kampioneve”.