Disa qindëra persona kanë raportuar të Hënën mbrëma se kanë parë një trup të panjohur , trup ky i ndritshëm që është parë nga banorët e disa...
Disa qindëra persona kanë raportuar të Hënën mbrëma se kanë parë një trup të panjohur , trup ky i ndritshëm që është parë nga banorët e disa vendeve të shteteve juglindore të SHBA-ve. Parakalimin e këtij objekti e ka konfirmuar zyrtarisht edhe NASA.
Krahas raportimeve me shkrim e me fotografi, objekti është regjistruar nga pesë kamera të NASA-s ndërkohë që xhirimi është postuar në Youtube.
Nuk do mend shumica e njerëzve kanë filluar të spekulojnë dhe të japin shpjegime ndër më të ndryshmet, ku më të zakonshmet ishin ‘se objekti i paidentifikuar në fakt është shenjë e UFO-ve dhe e jetës jashtë Tokës’.
Në bllogun zyrtar të NASA-së ndërkaq thuhet se ” “Nga të dhënat tona, mendojmë që objekti në fjalë nuk është as meteor as kometë”.
Nga përllogaritjet e NASA-s, objekti po lëvizte me një shpejtësi rreth 20 mijë kilometra për orë, shpejtësi e vlerësuar si shumë e ngadaltë për një meteor apo kometë.
Në NASA besojnë se është fjala për rifutjen e copave të pluhurit (mbetjes nga ndonje trup qiellor v.j.) në atmosferën e Tokës.