Stoke City do të jetë skuadra e re e Xherdan Shaqirit. Skuadra modeste nga Premierliga, ka arritur të bind reprezentuesin e Zvicrës, për t’i...
Stoke City do të jetë skuadra e re e Xherdan Shaqirit. Skuadra modeste nga Premierliga, ka arritur të bind reprezentuesin e Zvicrës, për t’iu bashkuar pas insistimit për më shumë se një muaj.
Indeksonline nga burime të afërta me lojtarin, merr vesh se 23 vjeçari me prejardhje nga Kosova, do t’i bashkohet Stoke City, skuadër të cilën së bashku më vëllanë e tij, Erdinin, sot e ndoqi nga tribunat, në humbjen 0:1 nga Liverpooli.
Xherdan Shaqiri në ndeshjen Stoke City - LiverpoolKy burim i tha Indeksonline, se Shaqiri është pajtuar që të nis një aventurë të re te Stoke City, edhe pse për të së fundi u rritë interesimin nga skuadra të tjera si Schalke, Dortmund dhe Everton.Zyrtarizimi i Shaqirit te Stoke City, pritet të bëhet gjatë ditës së nesërme.Përveç largimit nga Interi, për ish anëtarin e Bayernit nuk pati tjetër mundësi, pasi gjatë gjithë kësaj vere, është injoruar nga trajneri Mancini, që nuk e ftoi në asnjë ndeshje miqësore.Besohet se Shaqiri do të përfitojë rreth 4 milionë euro në sezon të Stoke, duke u bërë futbollisti më i paguar në histori të kësaj skuadre.Rreth transferimit të Xherdan Shaqirit te Stoke, foli edhe trajneri i kësaj skuadre pas ndeshjes me Liverpoolin.“Shpresoj. Nëse mund të mbyllim diçka do të jemi shumë të lumtur, por asgjë s’është e sigurt në këtë afat kalimtar kur gjithçka është e hapur”, deklaroi Mark Hughes, duke mos dashur të hapet shumë.Stoke City si klub është formuar në vitin 1863, ku nuk ka arritur të lërë shumë gjurmë në futbollin anglez, duke e fituar vetëm një trofe, atë të Kupës së Ligës në vitin 1971./Indeksonline/
