Xhani De Biazi është i bindur për vlerat e lojtarëve të tij, ndaj dhe nuk ngurron që sa herë i jepet mundësia t'i mbrojë. Mbrojtësin s...
Xhani De Biazi është i bindur për vlerat e lojtarëve të tij, ndaj dhe nuk ngurron që sa herë i jepet mundësia t'i mbrojë. Mbrojtësinshkodran të Empolit e kërkon Napoli dhe Fiorentina, ndërsa ai e ka bërë të qartë për klubin aktual se synon një hap më lart në karrierë.
Trajneri i kombëtares sonë flet me siguri të plotë për cilësitë e mbrojtësit kuqezi:
“Hysaj ka cilësi të mëdha. Unë nuk e kuptoj skepticizmin e tifozëve të Napolit.” Kështu është shprehur De Biazi për “Radio Gol”, duke vijuar t’ia bëjë më të plotë përshkrimin talentit shkodran, të rritur në itali:
"Hysaj ka një fleksibilitet të pabesueshëm taktik, është 21 vjeç dhe luan si në të djathtë e në të majtë të mbrojtjes. Sarri e di shumë më mirë se unë këtë gjë. E kam ndjekur atë shpesh duke luajtur me Empolin gjatë sezonit të shkuar. Pyetja e vetme për të kuptuar është nëse një situatë e tillë, si ajo e Napolit, nuk ka emërues të përbashkët mes klubit dhe trajnerit.
Sarri duhet të vendosë vetë, sepse ka përvojë të madhe. Tifozët skeptikë? Ekipi sapo ka filluar punën, ndaj janë të lënduar pak", tha De Biazi për mediat italiane