“Ndoshta nuk jemi ekipi më i fortë, por jemi ekipi më i lidhur në Europë”, kështu do të shprehej kapiteni i Kombëtares, Lorik Cana në një in...
“Ndoshta nuk jemi ekipi më i fortë, por jemi ekipi më i lidhur në Europë”, kështu do të shprehej kapiteni i Kombëtares, Lorik Cana në një intervistë, të transmetuar në mbrëmjen e djeshme, në emisionin “Procesi Sportiv” në Top Channel.Në këtë intervistë të zgjeruar, kapiteni i kuqezinjve Cana do të analizonte ecurinë e deritanishme të Kombëtares, duke e konsideruar fitoren 1-0 ndaj Francës, si rezultat i një loje që ka ardhur gjithnjë në rritje dhe duke u konsoliduar nga ndeshja në ndeshje. Loriku do të tregonte edhe “sekretin” e atij grumbullimi në mesin e fushës së futbollistëve pas fitores ndaj Francës.
“Për ne çdo ndeshje që kemi përpara është më e rëndësishmja”, do të shprehej kapiteni kuqezi, i cili nuk do t’i kursente edhe lavdërimet për punën e mirë të trajneri Gianni de Biazi, si “arkitekti” i Kombëtares kuqezi.
Kapiteni Cana do të fliste edhe për të ardhmen e karrierës së tij, por edhe për jetën bashkëshortore. Familja Cana është në pritje për t’u shtuar me një djalë, që sipas Lorikut do të kishte një emër shqiptar, të cilin ende nuk e kishte përzgjedhur. Për të mësuar më shumë për kapitenin e Kombëtares kuqezi, po ju servirim videon e intervistës së plotë të Lorik Canës
