Lorik Cana ka thënë se Shqipëria nuk do të jetë inferiore ndaj Francës. Kapiteni i Kombëtares shqiptare, Lorik Cana gjatë një interviste për...
Lorik Cana ka thënë se Shqipëria nuk do të jetë inferiore ndaj Francës.
Kapiteni i Kombëtares shqiptare, Lorik Cana gjatë një interviste për kanalin francez RMC ka folur për takimin që Shqipëria do ta zhvillojë të shtunën ndaj Francës.
“Në dy apo tri vitet e fundit kemi parë një rritje të ndjeshme. Ne jemi ngritur si ekip, aq sa luajmë pa asnjë ndjenjë inferioriteti ndaj kombeve të mëdha. Shqipëria është e aftë për të luajtur mirë”, u shpreh Cana.
Ai gjithashtu u shpreh i bindur se Shqipëria do ta tregojë forcën e saj në ndeshjet eliminatore për “Euro 2016”.
“Nuk kemi shumë lojtarë të talentuar, por kemi një grup solid e të bashkuar. Lojtarët shqiptarë kanë tashmë aftësinë për të dalë e aktivizuar jashtë vendit. Ne do ta themi fjalën tonë në këto eliminatoret të Euro 2016”, tha kapiteni i Kombëtares shqiptare.
Shqipëria të shtunën e zhvillon ndeshjen miqësore ndaj Francës në “Elbasan Arena”.
Lexo më shumë në: http://www.gazetaexpress.com/sport/cana-flet-para-ndeshjes-me-francen-107997/?utm_source=referral&utm_medium=web&utm_campaign=copyright